PSP!!! PSP多新game....旧game更多
有好多经典又好玩既游戏. 新game又正
越出越多. 价钱都适中(无论主机或game)
首先，希望大家可以放开怀抱对待两部机，记住，你唔系帮老任、SONY打工，无必要 对佢地死忠亦无必要敌视任何一方，作为玩家只需了解边部机俾到自己快乐已经足够。 【主机美观度】PSP：10分／NDS：5分 PSP外形时尚美观，加上第一眼就望到佢个大芒，任何人见到都一定心动；相比之下 NDS外形似足一部字典机，虽然唔算好核突，但PSP予人既第一印象实在优胜太多。 【画面华丽度】PSP：10分／NDS：6分 PSP个芒又大又16:9，NDS完全无得比。其实NDS双萤幕有咁既大细已经唔差，但缺点 系可视角度非常低，坐你隔离果个根本睇唔到你玩乜，另外响阳光底下玩NDS，基本 上系完全睇唔到画面(反光太严重)。不过，PSP既死／光点问题又比NDS严重极多，基 本上要买到一部完全无死／光点既PSP，真系要非常好手气，另外根据大多数用家经 验，PSP既死／光点会「自然、普遍地」于短时间内极速浦头，个Q.C.真系差到...... 如果非常介意死／光点，可自行扣除2分。 【声音】PSP：7分／NDS：6分 其实平时玩游戏的话，两部机既声音质素都系合格有余，最低限度叫做有立体声， 但一般而言PSP游戏会比较「靓声」和「大声」。不过你打算用PSP听MP3的话，最 好考虑清楚，同样听MP3，同样用喇叭出声，笔者部NOKIA 6230i(手提电话)都比PSP 靓声。当然比起NDS总算系聊胜于无。如果追求靓声的话，都系戴耳筒先玩啦！两 部机个喇叭都唔系咩好货色。 【操控】PSP：3分／NDS：9分 你无睇错，我无讲错，PSP既操控手感只可以用「垃圾」唻形容！除左部机本身无NDS 咁好「渣」之外，佢个死人十字掣真系够晒「十字」，基本上只可以顺利感应到↑↓ ←→四个方向，一用到「斜位」就感应不良，由此衍生一个极大问题....... 如果你玩赛 车、麻将、RPG之类唔需要按「斜位」既游戏，个操控系OK，但一玩动作、格斗、射 击、足球等游戏时，真系玩到无名火起！你可以想像玩高达时无法打斜走、玩格斗时 「CHOK」唔到招、玩射击时无得打斜飞、玩Winning时无得走斜线既凄绝惨况吗？无 错PSP另备Analog掣一粒，但果粒野既手感都唔好得去边(位置太低)，仲要唔好忘记唔 系只只game都支援Analog。NDS响呢方面就优胜太多，佢个十字掣其实都唔算太好按 (比起GBA、GBASP而言系差左)，LR两粒掣特别唔就手，不过点都唔会衰到「操控困 难」先，基本上玩乜游戏都无大问题，另外要盛赞佢个Touch Screen，佢可以发挥比 滑鼠更加便利／直感既操控性，配合十字掣及咪高峰，可衍生出无限个具创意既游戏。 【便携及保养性】PSP：5分／NDS：7分 其实两部机既体积都属于「偏大」，笔者认为史上最佳大细既手提机仍然系GBASP， 入落衫／裤袋就行得，呢两部野拎出街时要突登揾野袋住都几烦！不过NDS既便携及 保养性一定比PSP好，因为佢系「折机」，基本上折埋佢就可以放入袋，个机壳唔算 太易花，但系PSP就一定要另备机套／机袋，否则行街「邓」两「邓」之后个芒一定 花到阿妈都唔认得，肉赤死。 【读取时间】PSP：3-6分(视乎游戏)／NDS：10分 大家拎得部机出街玩，多数都系为左搭车时「摄时间」吧？不过中国香港地咁细，你搭车 搭得几耐？通常15-30分钟就落车／转车，点样响咁短时间入面尽情享受游戏乐趣，系 笔者非常重视既一点，呢方面NDS可以话系完美，由于佢系用「卡带」作储存媒介， 一般游戏时根本无所谓Loading Time，只系间中有游戏阻你两、三秒储存游戏进度，玩 家可以将99.9%既时间放响玩游戏方面。相比之下，PSP就显得非常惨烈，由于佢系用 一种叫「UMD」既光碟作储存媒介，基本上游玩中途要不断Load Load Load Load Load... 好多时真系LOAD多过玩！情况比家用的PlayStation更为严重。如果你经常坐短途车， 绝对唔建议玩PSP，因为你LOAD到入标题画面可能已经落车了！但当然每只游戏所须 既Loading时间都有分别，不过客观唻睇普遍都系唔理想，入game时LOAD十几秒系平常 事，每关之间再LOAD你十几秒都系好正常，仲未计游戏储存进度时又额外俾多十几秒 你叹...... 奉劝大家购买任何游戏之前，最好先问人只GAME既LOADING问题严唔严重， 阵间买左好似WINNING咁既LOAD碟王，够胆死LOAD你三、四十秒先开到波既真系喊 都无谓。当然PSP系有「邪道」方法大幅减低读碟时间，但呢点就唔纳入讨论范围了。 【游戏外功能】PSP：6分／NDS：3分 PSP除左用唻玩游戏之外，仲可以睇相、睇戏、听MP3，笔者觉得当PSP系相簿咁用系 非常唔错既选择，因为佢个芒显示能力真系好好(唔计死／光点的话)，而且够晒大， 用唻当相簿做DISPLAY，同睇3R相无乜分别，抵赞！但系用唻睇戏、听MP3就有些少 揾笨既感觉，先讲睇戏，我谂中国香港地根本无几多人会买价钱昂贵(比DVD更贵)、无中 文字幕既UMD影碟吧？大部份人只会将影片存放响记忆卡上播放，遗憾既系PSP只支 援MP4格式既影片，解像度仲要有限制，换言之9成9既影片响载入PSP之前，都要先 用个人电脑花大量时间「转格式」，就算你部电脑几快都好，一般「转格式」所需既 时间都比段影片本身更长，搅一大轮先拎得出街睇，点解唔响屋企睇左佢算？至于听 MP3，上文已经提过佢既喇叭音质连手提电话都比唔上，另插耳筒音质系会好好多， 但如果一心当PSP系MP3机用会唔会傻左少少？你打算将部PSP挂颈吗？至于NDS就完 全唔支援多媒体功能(其实可另购PLAYYAN增加多媒体功能，但价钱太贵绝不化算)， 只系内置一个无聊既「绘图CHATROOM」以及闹钟功能(呢个就几实用)。 【游戏创意】PSP：1分／NDS：9分 由于PSP系完全沿用十字掣、LR掣、Analog掣作为操控媒介，因此理论上PSP系绝对玩 唔到「家用机都无得玩」既新类型游戏，另因为开发「华丽游戏」既成本太高及「邪道 猖獗」等影响，愿意投资为PSP开发原创作品既厂商可谓万中无一，睇一睇PSP个GAME LIST，好多根本系PS1旧作或PS2 DownGrade移植作，毫无新意可言！相反NDS设有双萤 幕、咪高峰及Touch Screen，虽然呢一切都唔系乜野划时代新科技(液晶体时代已有双萤 幕游戏机、红白机已经有咪高峰、PDA都一早用紧Touch Screen)，但呢三样野融合后发 挥既化学作用实在太大啦！只要游戏厂商够创意，佢就可以开发出无数个「家用机都无 得玩」既游戏，尤其NDS游戏唔用声光效果作卖点，开发新游戏所投入既资金远比PSP 低，风险细，厂商亦更放心开发新类型／系列游戏，现时NDS好多游戏都俾到「老机 迷」新鲜感，甚至好多无打机习惯既人(尤其女性)，都俾NDS既崭新玩法所吸引，净讲 「创意」同「游戏独占性」，NDS和PSP根本不可同日而语。 【前境】 NDS现时全球销量约为PSP三倍，而且走势有逐渐「放甩」迹象，尤其老任手头仲有一 大堆「杀手级」游戏未出(如：比卡超、撒尔达等)，相反PSP则接近「江郎才尽」，不 断靠「炒冷饭」吊命，响日本基本上大局已定。不过，PSP响欧洲既销售势头似乎盖过 NDS，长此下去个发展可能系......NDS专玩原创／新派既日本游戏，而PSP则专玩「炒冷 饭」大作及欧美游戏。 最后，其实玩游戏系个人喜好，只要你钟意，买边部玩根本唔系问题，本文只系尽可能 客观地分析两部机既长／短处（笔者两部机都有，理论上无必要偏袒吧？），帮助未买 机既人有个「买机前指南」，希望帮到大家啦！ 希望以上解答可以帮到你:]
买NDSL啦
机身轻
颜色多(4只色+3个特别版)
game多而且大多数都系比较轻松既game(psp game既种类唔多
但系大作就好多)
玩dl game都几方便(psp 都ok
但系game 既size太大)
moonshell(听歌
睇相
睇戏
pda)既功能都算ok
当然唔可以同psp比啦...画面方面呢
ndsl就一定唔够psp靓架喇
但系ndsl有两个screen
算打和啦! 最重要既原因系
带psp出街既人太多
而且7成人都系黑色机
撞机撞到7彩罗! 我psp同ndsl都有
但系近呢两个月都系玩ndsl... 下面既web有齐1-800只新旧nds既game
实有一百几十只0岩你玩
睇过先决定啦! hacken.cc/dsgame/info?id=506
参考: 自己post过既最佳答案黎架!
温馨提示：答案为网友推荐，仅供参考